പാറ്റ്ന: ബിഹാറിൽ നിതീഷ്കുമാറിന്റെ നേതൃത്വത്തിലുള്ള പുതിയ സർക്കാർ നാളെ അധികാരമേൽക്കാനിരിക്കേ മന്ത്രിസ്ഥാനത്തിനായി ചരടുവലി ഊർജിതമായി.
സ്പീക്കർസ്ഥാനത്തിന് ജെഡി-യുവും ബിജെപിയും അവകാശമുന്നയിച്ചു. കാലാവധി പൂർത്തിയായ നിയമസഭയിൽ സ്പീക്കർസ്ഥാനം ബിജെപിക്കും ഡെപ്യൂട്ടി സ്ഥാനം ജെഡി-യുവിനുമായിരുന്നു.
ജെഡി-യുവിലെ വിജയ് ചൗധരിയും ബിജെപിയിലെ പ്രേംകുമാറുമാണ് സ്പീക്കർസ്ഥാനത്തേക്ക് പരിഗണിക്കപ്പെടുന്നവരിൽ മുന്നിൽ. ആഭ്യന്തര വകുപ്പിലും ബിജെപിക്കും ജെഡി-യുവിനും നോട്ടമുണ്ട്. പുതിയ മന്ത്രിസഭയിൽ ആറു പേരെങ്കിലും പുതുമുഖങ്ങളായിരിക്കും.